عبّرت الكاتبة أماني التونسي، عن سعادتها بإمتهان التأليف، وإعتزازها بالإعمال الفنية التي تقدمه والتي كان أخرها فيلم "تؤام روحي" والذي يُعرض حاليًا في السينمات.
قالت أماني، من خلال حسابها الرسمي على "الفيسبوك" : "بعد ما اتفرجت على فيلم تؤام روحي، عرفت ليه ربنا بيحبنا .. اذا كنت انا بخلق شخصيات على ورق ولما بشوفهم بيتحركوا قدامي وتدب فيهم الروح بحبهم .. بعيش ناس واموت ناس .. وافرحهم وبكيهم".
وتابعت قائلة :" بحب كل شخصية بخلقها ع الورق وبعدين تبقى تتحول ممثلين يقولوا اللي مكتوب ويحسوا اللي مكتوب ويعملوا اللي مكتوب انا سعيده اني مكتوب عليا الطريق اللي انا فيه .. اللي ربنا هداني ليه بعد ما اتأهلت ليه في الوقت اللي هو عايزه".
كما أضافت :"انا بعيش اللي بكتبوا بروحي ومشاعري مافيش مشهد بكتبه غير وكل حته فيا بتتاثر بيه كأني بمثله .. يمكن ده اللي بيميزني عن غيري وده اللي مبعرفش انقله للناس وانا بعلمهم كتابه .. لان مش هعرف ادي حد روحي اللي بكتب بيها".
بينما إختتمت حديثها قائلة :"بتمنى اني اعيش ناجحه وبكتب افلام تسيب علامه في قلب كل واحد بيشوفها مش بس يتبسط لا ده تعلم جوه روحه علامه .. واتمنى اموت وانا كاتبه نهاية فيلم ويتعملي اهداء لروحي اللي عاشت عايزه تبقى في حالها وتعمل اللي ربنا وكلها بيه في سلام وهدوء .. الحمدلله حتى يبلغ الحمد منتهاه".